JouMenseMyMense saam met SPAR – Anriëtte van der Riet, 11 Maart 2020
Loading player...
Sy was die wenner van die Pretoria Skole Idols, top Akademiese presteerder en op die leerlingraad van haar skool toe Anriëtte van der Riet se hele lewe in Februarie 2013 verander het…
Sy het by die skool inmekaar gesak na sy die gevoel in haar bene verloor en hartkrampe gekry het. Sy is met Marfansindroom en ‘n lekkende hartklep gediagnoseer. Marfansindroom tas die bindweefsel en organe in die liggaam aan en veroorsaak ander gesondheidsprobleme wat met tyd die een na die ander na vore gekom het van sig- en longprobleme tot lae bloeddruk, fibromialgie en slaap apnee en elke simptoom wat daarmee gepaardgaan. Sy het kroniese pyn in haar skelet, spiere en vel. Haar hande word erg beïnvloed en die probleme in haar heupe maak dit nou ook al hoe moeiliker om te loop.
In 2015 is Anriëtte se ma, Mariëtte medies ongeskik verklaar weens sigprobleme. Sy kan net buitelyne sien. Die gesin het 'n mediesefonds as deel van Mariëtte se voordele, maar dis slegs 'n hospitaalplan. Mariëtte is ook in 2018 met fase 2 (en later fase 4) borskanker gediagnoseer. Sy is onlangs weer daarvoor opgeneem nadat dit aan die lig gekom het dat daar aktiewe kankerselle in een van haar bene was. Anriëtte se Pa, Anton wat ‘n huweliksbevestiger is, het in dieselfde jaar 'n noodoperasie vir sy rug ondergaan en sukkel ook met sy gesondheid.
Ten spyte van haar konstante pyn en behandeling, het Anriëtte al verskillende projekte aangepak om fondse te help insamel vir haar familie – meeste van hierdie projekte is iewers vanuit ‘n hospitaalbed gereel. Sy studeer tans teologie en werk ook om self haar studies te help betaal.
Anriëtte se siekte het vinniger vererger as wat enige iemand kon voorspel en haar lewenskwaliteit het vinnig afgeneem. Daar is nie veel kenners nie, maar hulle het ‘n dokter gekry wat saam met neurosjirurge, neuroloë, fisioterapeute, biokinetici, narkotiseers, kardioloë, en ander spesialiste werk om die beste behandeling (of ten minste net verligting) vir die pasiënt te kan gee.
Sy het by die skool inmekaar gesak na sy die gevoel in haar bene verloor en hartkrampe gekry het. Sy is met Marfansindroom en ‘n lekkende hartklep gediagnoseer. Marfansindroom tas die bindweefsel en organe in die liggaam aan en veroorsaak ander gesondheidsprobleme wat met tyd die een na die ander na vore gekom het van sig- en longprobleme tot lae bloeddruk, fibromialgie en slaap apnee en elke simptoom wat daarmee gepaardgaan. Sy het kroniese pyn in haar skelet, spiere en vel. Haar hande word erg beïnvloed en die probleme in haar heupe maak dit nou ook al hoe moeiliker om te loop.
In 2015 is Anriëtte se ma, Mariëtte medies ongeskik verklaar weens sigprobleme. Sy kan net buitelyne sien. Die gesin het 'n mediesefonds as deel van Mariëtte se voordele, maar dis slegs 'n hospitaalplan. Mariëtte is ook in 2018 met fase 2 (en later fase 4) borskanker gediagnoseer. Sy is onlangs weer daarvoor opgeneem nadat dit aan die lig gekom het dat daar aktiewe kankerselle in een van haar bene was. Anriëtte se Pa, Anton wat ‘n huweliksbevestiger is, het in dieselfde jaar 'n noodoperasie vir sy rug ondergaan en sukkel ook met sy gesondheid.
Ten spyte van haar konstante pyn en behandeling, het Anriëtte al verskillende projekte aangepak om fondse te help insamel vir haar familie – meeste van hierdie projekte is iewers vanuit ‘n hospitaalbed gereel. Sy studeer tans teologie en werk ook om self haar studies te help betaal.
Anriëtte se siekte het vinniger vererger as wat enige iemand kon voorspel en haar lewenskwaliteit het vinnig afgeneem. Daar is nie veel kenners nie, maar hulle het ‘n dokter gekry wat saam met neurosjirurge, neuroloë, fisioterapeute, biokinetici, narkotiseers, kardioloë, en ander spesialiste werk om die beste behandeling (of ten minste net verligting) vir die pasiënt te kan gee.