Podlitiek
"Podlitiek" is 'n weeklikse politieke podsending wat nuusgebeure en kwessies vanuit 'n kritiese, oop en eerlike invalshoek benader, bedink en bespreek.
Podlitiek: ANC maak beleid, Mkhwebane verwyt en VSA stel uit
In vandeesweek se episode gesels die Podlitiek-span oor die jongste gebeure rakende die Openbare Beskermer, die ANC se afgelope beleidskonferensie, en Amerika word daarvan beskuldig dat hy 'n resessie probeer wegsteek.
Podlitiek: Eskom stuur noodkreet, Sisulu wil skole meet, Ramaphosa in KZN vergee
In die week se episode gesels die Podlitiek-span oor die jongste gebeure rakende Eskom, minister Lindiwe Sisulu wat wil hê skole moet 50/50 wit en swart wees en pres. Cyril Ramaphosa se kil ontvangs in KwaZulu-Natal.
Podlitiek: Eskom-skok, Lesufi op jou daknok en Zondo lui laaste klok
In die week se episode gesels die Podlitiek-span oor Eskom en beurtkrag, die taverne-tragedie in Oos-Londen, die laaste verslag van die Zondo-kommissie en Panyaza Lesufi wat die ANC se nuwe provinsiale voorsitter in Gauteng is.
Podlitiek: Bela-wet pla, Covid-las klaar en Mpofu-dissiplinêr wat niks baar
In hierdie week se episode gesels die Podlitiek-span oor die Bela-wysigingswet, die Covid-19-regulasies wat opgehef is en die ondersoek na adv. Dali Mpofu vir wangedrag teenoor ʼn kollega.
Podlitiek: Ramaphosa se kontant, EFF nasionale stilstand en Guptas gevang in buiteland
In die week se episode word daar gesels oor die diefstal op pres. Cyril Ramaphosa se plaas, die EFF wat dreig met ‘n nasionale stilstand en die Gupta-broers wat in Dubai in hegtenis geneem is.
Podlitiek: Onderhoud met Flip Buys
In hierdie episode van Podlitiek se onderhoudreeks word daar met Flip Buys, voorsitter van die Solidariteit Beweging, gesels.
Podlitiek: SEB-adviesraad vir die president en privaatskole rasse-insident
In hierdie week se Podlitiek-episode word daar twee groot sake op die nasionale nuus-agenda bespreek, naamlik pres. Cyril Ramaphosa se SEB-adviesraad en die vermeende rassevoorval by 'n KwaZulu-Natalse privaatskool.
Podlitiek: Mthethwa sit pot mis, insident op US-kampus
Op die agenda is die naam van die Taalmonument, die beplande skenking aan Kuba asook die veelbesproke voorval wat onlangs by die Universiteit Stellenbosch plaasgevind het.
Podlitiek: Onderhoud met dr. Leon Schreiber
In hierdie episode van Podlitiek gesels Paul Maritz met dr. Leon Schreiber, ‘n parlementslid sowel as pasverkose lid van die raad van die Universiteit Stellenbosch.
Podlitiek: Aborsiedebat in VSA, Steenhuisen tussen Oekraïense vlae
Die week gesels die Podlitiek-span oor die aborsiedebat in Amerika, die jongste verwikkelinge rakende die Zondo-kommissie en DA-leier John Steenhuisen se besoek aan die oorloggeteisterde Oekraïne.
Podlitiek: Musk se Twitter-koop, Vryheidsdag onder stetoskoop
Die Podlitiek-span wonder of dit nie soms ʼn bietjie makliker is om te kla as om al die vryhede wat ʼn mens wel mag opeis, dan nou op te eis nie.
Podlitiek: Mkhize-skandaal, Gumede bou kraal en die MRK faal
"Podlitiek" is 'n weeklikse politieke podsending wat nuusgebeure en kwessies vanuit 'n kritiese, oop en eerlike invalshoek benader, bedink en bespreek.
Podlitiek: Beleggers gelok, ANC gehok en Poskantoor voor stok
In die week se episode word daar gesels oor Ramaphosa se pogings om beleggings te lok, die ANC se finansiële moeilikheid en die sukkelende Poskantoor.
Podlitiek: Kuba-skenking gestop, ramptoestand flop en Makhosi Khoza uitgeskop
In die week se episode van Podlitiek word daar gesels oor AfriForum se hofoorwinning rakende ‘n skenking aan Kuba, die jongste ramptoestandmaatreëls en ActionSA wat Makhosi Khoza se lidmaatskap opgeskort het.
Podlitiek: ‘n Ramp sonder stop, petrolpryse gaan op
Podlitiek is terug en die week word daar gesels oor die herhaalde verlenging van die ramptoetstand, die geweldige toename in brandstofpryse wat verwag word en die Menseregtekommissie se werksaamhede die afgelope weke.
Podlitiek gesels met Ernst Roets
Die Podlitiek-span besoek Ernst virtueel in sy huis vir ‘n uur lange onderhoud oor waar hy vandaan kom, hoe hy groot geword het, en waarom hy doen wat hy doen. Luister gerus na hierdie onderhoud om een van Suid-Afrika se voorste jong denkers van naderby te leer ken.
Podlitiek: Taal in skole en spraak bedreig, sanksies teen Rusland styg
In die week se episode #ontnonsens die span die Wysigingswet op Basiese Onderyws, die nuwe internetsensuurwet asook die jongste gebeure in die Rusland-Oekraïne-konflik.
Podlitiek: SA red Kuba weer, Malema geweer-verweer
Podlitiek is terug en die week gesels die span oor Suid-Afrika se jongste lening aan Kuba en die hofsaak teen Julius Malema oor die afvuur van 'n aanvalsgeweer. Die derde deel van die Zondo-kommissie se verslag kom ook onder die loep.
Podlitiek gesels met Ian Cameron
In hierdie onderhoudepisode van Podlitiek gesels Paul en Daniël met Ian Cameron van Action Society en firearms.co.za.
Podlitiek: EFF-haatspraak en Poetin wat oorlog maak
In hierdie week se episode is Frederik, Daniël, Ernst en Paul agter die mikrofone, met twee stories op hul agenda: Die pas afgelope AfriForum/EFF-hofsaak en die afgelope weke se gebeure in Oekraïne.